الدفع عند الاستلام — أو فودافون كاش وإنستاباي

الشروط والأحكام

اقرأ الشروط وسياسة الاستبدال والاسترجاع قبل ما تطلب.

باستخدامك موقع متجر فرح مصر أو الشراء منه، أنت موافق على الشروط دي. ممكن نعدّل الشروط من وقت للتاني، والنسخة المنشورة هنا هي المعمول بيها وقت الطلب.

عند تقديم الطلب لازم تكون البيانات (الاسم، رقم الموبايل، العنوان) صحيحة، وبنأكد الطلب معاك على واتساب أو تليفونياً. من حقنا نلغي أي طلب لو المنتج مش متوفر أو في حالة خطأ واضح في السعر، وهنبلغك وقتها.

طرق الدفع المتاحة: الدفع عند الاستلام، أو تحويل فودافون كاش، أو إنستاباي. في حالة التحويل بيتم شحن الطلب بعد التأكد من وصول التحويل. الأسعار النهائية بتتأكد من المتجر وقت تأكيد الطلب.

بنوصّل لكل المحافظات. تكلفة الشحن بتختلف حسب المحافظة وبتظهر في صفحة إتمام الطلب قبل التأكيد (ولمحافظات مطروح والوادي الجديد وجنوب وشمال سيناء من 1000 ج.م). التوصيل عادة من 2 لـ 3 أيام عمل للقاهرة والجيزة، ومن 3 لـ 4 أيام عمل لباقي المحافظات.

العروض مابتتجمعش على بعض: كل منتج بياخد عرض واحد بس (ولو فيه أكتر من عرض بتاخد الأرخص)، وعروض "اشتري أكتر ووفّر" مابتتحسبش على المنتجات اللي عليها عرض. الكوبون بيتحسب على المنتجات اللي بسعرها العادي إلا لو مكتوب غير كده في شروطه. الشحن المجاني للطلبات فوق الحد المعلن شغال دايماً مع أي عرض.

استبدال أو استرجاع خلال 14 يوم من الاستلام في حالة عيوب الصناعة أو عدم مطابقة المنتج للوصف.

  • يُشترط الاحتفاظ بالمنتج بحالته والعبوة والتغليف الأصلي.
  • تواصل معنا على واتساب (01017344345) برقم الطلب وصورة أو فيديو يوضح المشكلة.
  • لو المشكلة عيب صناعة أو المنتج مش مطابق للوصف، المتجر بيتحمل تكلفة الشحن في الاستبدال أو الاسترجاع.
  • منتجات العناية الشخصية اللي اتفتحت أو اتستخدمت مش بتترجع إلا في حالة عيب الصناعة أو عدم المطابقة للوصف.
  • في حالة الاسترجاع بيتم رد المبلغ بنفس طريقة الدفع أو بتحويل (فودافون كاش / إنستاباي) بعد استلام المنتج وفحصه.

استخدم المنتجات حسب الإرشادات والتنبيهات المكتوبة في صفحة كل منتج. المتجر غير مسؤول عن الأضرار الناتجة عن سوء الاستخدام أو عدم اتباع الإرشادات. المنتجات مش أجهزة أو أدوية علاجية، ولو عندك حالة صحية استشير الطبيب قبل الاستخدام.

محتوى الموقع من نصوص وصور وتصميم خاص بـمتجر فرح مصر، وممنوع نسخه أو استخدامه تجارياً من غير إذن.

لأي استفسار عن الشروط دي كلّمنا على واتساب 01017344345 أو من صفحة تواصل معنا.